DÜŞDÜM

Dekabr 28, 2007 0:28, Şeirlər, sabiroghlu, Şərhlər(0)

Düşdüm, yamanca düşdüm

bu yer üzünə,

Budağından qopan

yarpaq kimi,

Küləklərdən qorxa-qorxa.

Kəndiri kəsilmiş

Məlikməmməd kimi

vurnuxa-vurnuxa.

Yamanca düşdüm

bu yer üzünə.

Kiminin ürəyindən,

kiminin gözündən

düşdüm.

***

Dekabr 24, 2007 0:11, Şeirlər, sabiroghlu, Şərhlər(0)

Ürəyimin divarına,

Hərə bir söz yazır, gedir.

Söz tapmayan, dil qanmayan,

Elə-belə cızır gedir.

Heç kimi saxlamaq olmur,

Kiminsə xətrinə dəyər.

Qapını bağlamaq olmur,

Gözlədiyim gəlib döyər.

Nə yazandan, nə cızandan,

Baş götürüb qaçammıram.

Çatlamış divarı söküb,

Bir pəncərə açammıram.