***
Gözündə don vurmuş
"Göyçəgülü" havası,
Içində dağıdılmış
quş yuvası.
Cibindəki tənha manatla
qolboyun,
Ətrafın məzhəkə, oyun,
Hara tələsirsən, zalım balası?
Ayaq səslərindən
torpaq diksinir,
Öz səsindən özün.
Zamanın üzü daşdan imiş,
Torpaqdandır sənin üzün.
Üzün üstə yeriyə-yeriyə,
Ağlaya-ağlaya, kiriyə-kiriyə,
Hər gecə kirayə otağında,
Nəm torpaq ətirli
daş yatağında
Ələmə günlərini, ələmə.
Dünyanın yırtılmış
dərd ələyinə
Daha etibar eləmə.
Baxış sayı: 88
Açar sözlər:
