GEDIRSƏN

May 17, 2008 2:21, Şeirlər, sabiroghlu, Şərhlər(2)

Gedirsən! Bilirdim, qalan deyilsən,

Bilirdim, yolların həsrət rəngini,

Bir gün gözlərimə köçürməliyəm.

Ümid limanından nə vaxtsa səni,

Öz xəyal dünyama ötürməliyəm.

Gedirsən! Gözümün odunu almış
Ayrılıq qorxusu dilimdə düyün.

Sakitcə dayanıb vaxtı sayıram.

Səni ötürmürəm elə bil, bu gün

Yalnız sənsizliyi qarşılayıram.

Gedirsən! Içimdə bir saz köklənir.

Bu saat qəlbimdə nə nəğmə dinsə

O, sənli günlərim üçün ağıdır.

Arxanca yellənən əllərim isə

Sevincli anların ağ bayrağıdır.

Gedirsən! Dünyasa öz işindədir,

Kədərli axşamlar düşəcək yenə.

Yenə əvvəlki tək günəş doğacaq,

Bircə bu şəhərin sənsizliyinə

Hər gecə bir dəli leysan yağacaq.

Gedirsən! Bilirdim qalan deyilsən.

Bilirdim, bu sərvaxt yatan qəmimi,

"Gedirəm" sözünlə ayıltmalısan.

Gedirsən, biryolluq gedənlər kimi,

Ancaq bilirsən ki, qayıtmalısan.

ATA YURDUMUZ:TUVA

May 7, 2008 0:56, Danışan şəkillər..., sabiroghlu, Şərhlər(3)

Yovşan ətirli çöllər...

 Arzu ağacı? Bura Azərbaycan yox, Tuvadır!!!

 Ulu Xaqan Çingiz xanın abidəsi...

Yurd... Min illər əvvəl olduğu kimi...

Bu Qala bizim qala...

FOTOLARI DJ AYNUR TƏQDİM EDİB.